Tatar Recordings

ТОЛЫМБАЙ ҖЫРЫ
Булат Сөләймановның шул исемдәге шигыре нигез итеп алынды

Күктән йолдыз тотмыйм, бу җырыма
Мин тормышчан сүзләр сайладым,
Толымчак күк газиз авылыма,
Толымбаем, сиңа багладым.
Ялгыз калсам күңелем буранында,
Уйларымны сүтәм, яңартам.
Дөнья буйлап чабып хәлдән тайсам,
И Толымбай, сиңа мин кайтам.

Толымыңда – урман-болыннарың,
Зөя сөеклесе Толымбай,
Йөрәгем дә кушып үрелгән бит,
Ни хәл итим соң мин, йә Ходай!
Кемнәр үрә бүген толымнарың?
Сорасалар миннән, ни әйтим...
Син булмасаң, улың илсез, җирсез,
И Толымбай! синсез мин ятим.
¬
Толымсызлар тол хатын күк ялгыз,
Көзге таллар кебек шәп-шәрә.
Син булмасаң илдә, Толымбаем,
Булыр идем мин дә мәсхәрә.
Чал чәчләрне җилләр йолкыганда
Каеннарың толымын сагынам,
Бер Аллага инанган ир-егет,
И Толымбай! сиңа табынам.

Şat küñelle xıyallarnı qoçıp,
Sütelgändä ğıyşıq bäyläre,
Min ğazaplı çişeleşlär oçın
Näfis bantik itep bäylädem.

Min qol, dustım. Ämma yaxşı beläm:
Yazmışımnıñ essentsiäse –
Art sanı, qorsağı, xatını belän
Näçälnikneñ garmoniäse.

Küp närsäsen añlar ide
Xäkim fani dönyanıñ,
Tıñlasa särxüş qıyaqnıñ
“Şumél kamış“ suzğanın.

Çaptı fälsäfäçe uftanıp
Yalğan xaqiqätneñ artınnan;
Salalmağaç marksizm ıştanın,
Närsä ömet itte “xatın”nan ?

Qaysı cenes köçle – bulmıy belep,
Aldın-artın gelän tikşerep baq:
Xatınnarı eşli ügez kebek,
İrlär kündäm, näq faxişä sımaq...

AWIR SÜZLÄR ÄYTEP ÜPKÄLÄTMÄ
Yaralama...
Cannı räncetmäçe,
Sin bit mine üzeñ sayladıñ.
Uraw-uraw yullar ütep tağın,
Qırıs yörägemne yawladıñ.
Awir süzlär äytep üpkälätmä,
Tormış yulı bergä ütmäle.
Bez utırtqan nazlı söyü göllärebez
Yaña börelänä bıt äle.

Yaralama...
Yämle tormış bulğaç,
Bardır anıñ qara buranı.
Qoyaş çäçkän nurın bäxetemä,
Bäxetemä dıep qaradı.
Awir süzlär äytep üpkälätmä,
Tormış yulı bergä ütmäle.
Bez utırtqan nazlı söyü göllärebez
Yaña börelänä bıt äle,
Bez utırtqan nazlı söyü göllärebez
Yaña börelänä bıt äle.

Awir süzlär äytep üpkälätmä,
Tormış yulı bergä ütmäle.
Bez utırtqan nazlı söyü göllärebez
Yaña börelänä bıt äle,
Bez utırtqan nazlı söyü göllärebez
Yaña börelänä bıt äle,
Yaña börelänä bıt äle...

АВЫР СҮЗЛӘР ӘЙТЕП ҮПКӘЛӘТМӘ
Яралама...
Җанны рәнҗетмәче,
Син бит мине үзең сайладың.
Урау-урау юллар үтеп тагын,
Кырыс йөрәгемне яуладың.
Авыр сүзләр әйтеп үпкәләтмә,
Тормыш юлын бергә үтәсе.
Без утырткан назлы сөю гөлләребез
Яңа бөреләнә бит әле,
Без утырткан назлы сөю гөлләребез
Яңа бөреләнә бит әле.

Яралама...
Ямьле тормыш булгач,
Бардыр аның кара бураны.
Кояш чәчкән нурын бәхетемә,
Бәхетемә диеп карады.
Авыр сүзләр әйтеп үпкәләтмә,
Тормыш юлын бергә үтәсе.
Без утырткан назлы сөю гөлләребез
Яңа бөреләнә бит әле.
Без утырткан назлы сөю гөлләребез
Яңа бөреләнә бит әле,
Без утырткан назлы сөю гөлләребез
Яңа бөреләнә бит әле.

Авыр сүзләр әйтеп үпкәләтмә,
Тормыш юлын бергә үтәсе.
Без утырткан назлы сөю гөлләребез
Яңа бөреләнә бит әле,
Без утырткан назлы сөю гөлләребез
Яңа бөреләнә бит әле,
Яңа бөреләнә бит әле...

ТАТАРСТАН РЕСПУБЛИКАСЫ
ДӘҮЛӘТ ГИМНЫ
Мәңге яшә, газиз Ватаныбыз,
Халкым тели изге теләкләр!
Гомерлеккә якын туган булып
Яши бездә төрле милләтләр.
Күп гасырлар кичкән чал тарихлы
Данлы илем, үзең бер дастан!
Синдә генә безнең язмышыбыз,
Республикам минем, Татарстан!

TATARSTAN RESPUBLİKASI
DÄWLÄT GİMNI
Mäñge yäşä, ğäziz Watanıbız,
Xalqım teli izge teläklär!
Ğömerlekkä yaqın tuğan bulıp
Yäşi bezdä törle millätlär.
Küp ğasırlar kiçkän çal tarixlı
Danlı ilem, üzeñ ber dastan!
Sindä genä bezneñ yazmışıbız,
Respublikam minem, Tatarstan!

Gölnäfidä LOPANOWA
TATAR TELE İLLÄR GİZÄÇÄK!

Kütärel sin, xalqım, köräşkä,
Üz teleñne yaqlap, iñ başta,
Tele barnı kötä kiläçäk –
Bu kön bezgä barıber kiläçäk:
Tatar tele illär gizäçäk!

Kütärel sin, xalqım, köräşkä –
Tele bardan qurqa palaç ta!
Telsez, dinsez bula tik mañqort,
Keşe qanın eçkän sorı qort.

Kütärel sin, xalqım, köräşkä,
Tatar iseme belän cır başla.
Musa Cälil, Ğaynan Qormaşlar
Bezne yaqlap, yaqlap süz başlar.

Söyembikä, Safagäräylär –
İzge küktän cirgä iñgännär.
Bezne kötä alda yaqtılıq,
Dönya kitsen öçen yaqtırıp.
İzgelek cirdä ezsez yuğalmas,
Tınçığan kül genä yul almas.

Qurıqma sin densez qarğıştan –
Bezneñ rizıq boday-arıştan;
Şul başaqlar bulıp, ber simvol
Bezgä endäşä: “Tatar, ğorur bul!”

Kütärel sin, xalqım, köräşkä,
Üz teleñne yaqlap, iñ başta!
Tele barnı kötä kiläçäk –
Bu kön bezgä barıber kiläçäk:
Tatar tele illär gizäçäk!

Гөлнәфидә ЛОПАНОВА
ТАТАР ТЕЛЕ ИЛЛӘР ГИЗӘЧӘК!
Күтәрел син, халкым, көрәшкә,
Үз телеңне яклап, иң башта,
Теле барны көтә киләчәк –
Бу көн безгә барыбер киләчәк:
Татар теле илләр гизәчәк!

Күтәрел син, халкым, көрәшкә –
Теле бардан курка палач та!
Телсез, динсез була тик маңкорт,
Кеше канын эчкән соры корт.

Күтәрел син, халкым, көрәшкә,
Татар исеме белән җыр башла.
Муса Җәлил, Гайнан Кормашлар
Безне яклап, яклап сүз башлар.

Сөембикә, Сафагәрәйләр –
Изге күктән җиргә иңгәннәр.
Безне көтә алда яктылык,
Дөнья китсен өчен яктырып.
Изгелек җирдә эзсез югалмас,
Тынчыган күл генә юл алмас.

Курыкма син денсез каргыштан –
Безнең ризык бодай-арыштан;
Шул башаклар булып, бер символ
Безгә эндәшә: “Татар, горур бул!”

Күтәрел син, халкым, көрәшкә,
Үз телеңне яклап, иң башта!
Теле барны көтә киләчәк –
Бу көн безгә барыбер киләчәк:
Татар теле илләр гизәчәк!