АЛТЫН УРДА
Без күндәм, без тырыш, без уңган, диделәр.
Башларга матурлап түбәтәй киделәр.
Кулларга йә көрәк, йә сука, йә тырма бирделәр.
Без гомер буена казынганбыз җирдә,
Бар булган җиребез шушында – Иделдә,
Без мескен, тик уңган һәм күндәм бер халык, диделәр.
Әй, ышанды әтиләр, ышанды әниләр,
Ачы ялганга тиз ышана кешеләр.
Без гомер буена чабата-кәләпүшле, диеп.
Күтәрмә башыңны, бер эш ике кулга,
Әй, кайда соң безнең бөек Алтын Урда?
Әйтерлек, без бит шул дәүләтнең татарлары, диеп.
Кылычлы бабайлар, еракта тирмәләр,
Зәңгәр күктә тургай, илгә юк киртәләр.
Бөтен дала бөек татарның бербөтен дәүләте.
Бер үк тел, бер йола гасырлар буена,
Бу җирләр безнеке, бу җиргә без хуҗа.
Бу якларда татар кешесеннән дә юк гайрәтле.
Үзгәрде замана, исте башка җилләр,
Таралды атлылар, китте кулдан җирләр,
Кымызлы җәйләүләр күчтеләр башкалар кулына.
Илләрне бүлделәр, телләрне бүлделәр,
Безнең эш башкада, хезмәттә, диделәр,
Таралды зәңгәр күк астында бөек Алтын Урда.
Без күндәм, без тырыш, без уңган диделәр.
Башларга матурлап түбәтәй киделәр.
Кулларга йә көрәк, йә сука, йә тырма бирделәр.
Без гомер буена казынганбыз җирдә,
Бар булган җиребез шушында – Иделдә,
Без мескен, тик уңган һәм күндәм бер халык, диделәр.
Әй, ышанды әтиләр, ышанды әниләр,
Ачы ялганга тиз ышана кешеләр.
Без гомер буена чабата-кәләпүшле диеп.
Күтәрмә башыңны, бер эш ике кулга,
Әй, кайда соң безнең бөек Алтын Урда?
Әйтерлек, без бит шул дәүләтнең татарлары, диеп.
ALTIN URDA
Bez kündäm, bez tırış, bez uñğan, didelär.
Başlarğa maturlap tübätäy kidelär.
Qullarğa yä köräk, yä suqa, yä tırma birdelär.
Bez ğomer buyına qazınğanbız cirdä,
Bar bulğan cirebez şuşında – İdeldä,
Bez mesken, tik uñğan häm kündäm ber xalıq, didelär.
Äy, ışandı ätilär, ışandı änilär,
Açı yalğanğa tiz ışana keşelär.
Bez ğomer buyına çabata-käläpüşle, diyep.
Kütärmä başıñnı, ber eş ike qulğa,
Äy, qayda soñ bezneñ böyek Altın Urda?
Äyterlek, bez bit şul däwlätneñ tatarları, diep.
Qılıçlı babaylar, yıraqta tirmälär,
Zäñgär küktä turğay, ilgä yuq kirtälär.
Böten dala böyek tatarnıñ berböten däwläte.
Ber ük tel, ber yola ğasırlar buyına,
Bu cirlär bezneke, bu cirgä bez xuca.
Bu yaqlarda tatar keşesennän dä yuq ğäyrätle.
Üzgärde zamana, iste başqa cillär,
Taraldı atlılar, kitte quldan cirlär,
Qımızlı cäyläwlär küçtelär başqalar qulına.
İllärne büldelär, tellärne büldelär,
Bezneñ eş başqada, xezmättä, didelär,
Taraldı zäñgär kük astında böyek Altın Urda.
Bez kündäm, bez tırış, bez uñğan didelär.
Başlarğa maturlap tübätäy kidelär.
Qullarğa yä köräk, yä suqa, yä tırma birdelär.
Bez ğomer buyına qazınğanbız cirdä,
Bar bulğan cirebez şuşında – İdeldä,
Bez mesken, tik uñğan häm kündäm ber xalıq, didelär.
Äy, ışandı ätilär, ışandı änilär,
Açı yalğanğa tiz ışana keşelär.
Bez ğomer buyına çabata-käläpüşle diep.
Kütärmä başıñnı, ber eş ike qulğa,
Äy, qayda soñ bezneñ böyek Altın Urda?
Äyterlek, bez bit şul däwlätneñ tatarları, diep.
