Sérstakur saksóknari hefur tilkynnt tugum einstaklinga á undanförnum dögum að símar þeirra hafi verið hleraðir í tengslum við rannsókn embættisins á bankahruninu. Ólafur Þór Hauksson segir að hlerunum á vegum embættisins sé lokið og því sé nú unnt að segja frá hlerununum en eins og gefi að skilja gangi ekki upp að segja frá aðgerðum embættisins á meðan þeim stendur. Ekki hefur verið gefið upp um hvaða einstaklinga er að ræða.