თუ შეიძლება!
თბილისში 19 მაისიდან 22 მაისის ჩათვლით მშენებლობისა და ინტერიერის მეთხუთმეტე საერთაშორისო გამოფენა ”კაუკასუს ბილდ 2010” (Caucasus Build 2010) გაიმართა, რომელიც, წინა წლებთან შედარებით, მასშტაბურობით გამოირჩეოდა. საგამოფენო ცენტრ ”ექსპო ჯორჯიას” სამ პავილიონსა და ეზოში 100 საგამოფენო სტენდი მოეწყო, რომელზეც 10 ქვეყნის 120 კომპანიის პროდუქცია გამოიფინა.
საგამოფენო ცენტრ ”ექსპო ჯორჯიას” პავილიონები, მიუხედავად სამშენებლო სფეროში არსებული კრიზისული ვითარებისა, სავსე იყო როგორც მონაწილეებით, ასევე დამთვალიერებლებით.
საგამოფენო ცენტრის ერთ-ერთ პავილიონში, სადაც გამოფენილი უამრავი ახალი პროდუქცია მნახველების დიდ ინტერესს იწვევდა, ერთ-ერთ დამთვალიერებელს გავესაუბრე, რომელიც ნანახით კმაყოფილებას არ ფარავდა:
”ჩვენ კერძო ინტერესებისთვის გვჭირდებოდა - საკუთარი შენობის გადახურვისთვის, მეგობარს - აუზისთვის - და გვაინტერესებდა მასალა, რომელიც იძლევა გრძელვადიან ხარისხიან შედეგს და მივიღეთ ამომწურავი პასუხი.”
