Mikil hálka er víða á höfuðborgarsvæðinu eftir að rigndi í nótt en svell voru enn víða undir snjó eftir umhleypinganna að undanförnu. Miklir svellbunkar hafa myndast og gera bæði gangandi og akandi vegfarendum erfitt fyrir. Samkvæmt upplýsingum frá Reykjavíkurborg verður allt gert til þess að sanda á hálum svæðum en borgin hefur undanfarna daga sætt mikilli gagnrýni vegna sinnuleysis í salt og söndunarmálum. Í morgun mátti sjá ökumenn víða í vandræðum vegna hálku og sátu sumir hverjir fastir ofan á svellbunkum.